Maa...
Duniya mein sabse khoobsurat pyaar maa karti hai,
Sabse anokha aur ladkar pyaar karti hai maa.
Pata hai, chahe koi ameer ho ya gareeb, sab mein ek cheez common hoti hai... Maa.
Maa ke bina ghar aisa lagta hai jaise ek suna-suna jail ho,
Aur wahi maa saath ho to chhoti si jhopdi bhi ek mahal jaisi lagti hai.
Maa, jo kabhi apne bete-betiyon mein farq nahi karti,
Jo bina kisi shart ke apne bachon par be-intehaan mohabbat barsati hai.
Maa, jo apni betiyon ko is samaj se bachane ke liye duniya se lad jaati hai,
Unhe itna kabil banati hai ki samaaj bhi maa ke sanskaron ki pooja karne lage.
Maa, chahe khud na padhi-likhi ho,
Lekin apne bachon ko aasman chhoone tak kaabil bana deti hai.
